پنجاب اسمبلیوں کو تالے لگا کر کون کونسا

 جیو نیوز نے دعویٰ کیا ہے کہ پنجاب اسمبلی کو تالے لگا کر اہم ریکارڈ کو تلف کیا جا رہا ہے۔

اسمبلی ذرائع کے مطابق پنجاب اسمبلی سیکرٹریٹ میں تالے لگا کر اہم ریکارڈ کو تلف کیا جا رہا ہے، تلف یا غائب کیے جانے والے ریکارڈ میں اسمبلی عمارت کی تعمیر و مرمت کا ریکارڈ شامل ہے۔ اس کے علاوہ نئی ملازمتوں سے متعلق ریکارڈ نامعلوم مقام پر منتقل کردیا گیا ہے، کئی اہم فائلوں اور دستاویزات پر جعلسازی بھی کی گئی  ہے۔ 

ذرائع کا کہنا ہے کہ اسمبلی سیکرٹریٹ کا ریکارڈ اہم شخصیت کے حکم پر تلف کیا گیا ہے جس میں اہم شخصیت کے تعلق والے افسران ملوث ہیں، افسران کی گاڑیوں میں ریکارڈ کو نامعلوم مقام پر منتقل کیا گیا، ریکارڈ سے چھیڑ چھاڑ کرنے کیلئے ڈپٹی سپکر اور ارکان اسمبلی کے ایوان میں داخلے پر پابندی عائد کی گئی۔