امارات نے اقامہ ہولڈر پاکستانی اور انڈین مسافروں پر عائد پابندی اٹھا لی امارات نے اقامہ ہولڈر پاکستانی اور انڈین مسافروں پر عائد پابندی اٹھا لی

  منگل 3 اگست 2021 15:27

’اقامہ ہولڈروں کو ملک میں منظوری شدہ ویکسین کی دو خوراکیں لینے کا ثبوت فراہم کرنا ہوگا‘ ( فوٹو: الامارات الیوم)

   

متحدہ عرب امارات نے پاکستان اور انڈیا سمیت دیگر ملکوں کے مسافروں پر عائد پابندی اٹھانے کا فیصلہ کیا ہے۔

اماراتی نیوز ایجنسی کے مطابق ملک میں کورونا کے انسداد کے لیے کام کرنے والی اتھارٹی نے کہا ہے کہ ’بعض ممالک کے شہریوں پر امارات آنے کی پابندی عائد تھی وہ 5 اگست سے اٹھائی جا رہی ہے‘۔

مزید پڑھیں

• 
  دبئی یونیورسٹی میں شہریوں اور غیرملکیوں سے سکالر شپ کے لیے درخواستیں
• 
  ابوظبی میں سکولوں کے لیے نئی ایس او پیز پالیسی کیا ہے؟

کمیٹی نے کہا ہے کہ ’پاکستان، انڈیا، سری لنکا، نیپال، نائیجیریا اور یوگنڈا کے وہ شہری جن کے پاس اماراتی اقامہ ہے وہ واپس آ سکتے ہیں‘۔

’جن مسافروں پر سے پابندی اٹھائی جا رہی ہے انہیں ملک میں منظوری شدہ ویکسین کی دو خوراکیں لینے کا ثبوت فراہم کرنا ہوگا‘۔

اتھارٹی نے کہا ہے کہ ’ملک میں کام کرنے والے ڈاکٹروں، نرسنگ سٹاف اور فنی طبی عملہ جنہوں نے ویکسین لی ہے یا نہیں لی انہیں بھی ملک میں آنے کی اجازت ہے‘۔

’ملک کے مختلف تعلیمی اداروں اور جامعات میں کام کرنے والے تدریسی عملے کے علاوہ طلبہ کو بھی ویکسین سے استثنیٰ ہے‘۔

’وہ افراد جن کے پاس اقامہ ہے اور جو ملک کے کسی سرکاری ادارے کے ملازمین ہیں خواہ انہوں نے ویکسین لے رکھی ہے یا نہیں، دونوں صورتوں میں انہیں ملک واپس آنے کی اجازت ہے‘۔